شرح عن كيفية وضع الاسئلة في السنة التحضيرية الطبية

شرح عن كيفية وضع الاسئلة في السنة التحضيرية الطبية

الكاتب : admin التاريخ : 9/27/2017 12:26:00 م

شرح عن كيفية وضع الاسئلة في السنة التحضيرية الطبية 

بالنسبة لمواد هي السنة ف هيي بتنقسم لقسمين واللي هنن كالتالي:
1_ مواد #نظرية_فقط: بتكون العلامة بهالحالة 100% نظري.
2_ مواد #نظرية_عملية :وبهالحالة بتكون العلامة من 70% بالنظري  و30% بالعملي 

بالنسبة للامتحان اخواتي :الأسئلة بتكون مؤتمتة تماماً وموحدة بكل سوريا وبتنحط بالوزارة وبتكون العلامة من 100 لكل المواد وانتوا على اساس هالعلامة رح تنفرزوا 
#ملاحظة_هامة_جدّاً: الدورة الثانية(الاضافية) والدورة التكميلية لا تدخل علامتيهما بمعدل الفرز.
عنا 100 سؤال بكل المواد ما عدا اللغة الانكليزية1 و اللغة الانكليزية2 بيجي فيهن 90 سؤال فقط و من بين هال90سؤال بيجي 10 أسئلة Reading و بهالحالة صار عنا لكل سؤال Reading علامتين فقط و بكلا الحالتين بتكون وطمدة الامتحان ساعة ونصف فقط
بالنسبة للعملي بتمنى تركزوا معي وتعيدو القراءة اكتر من مرة بأنو علامة العملي مابتدخل بمعدل الفرز أبداً و إنما رح تساعدنا بترفيع المادة وضروري ننجح بالعملي ومالازم نهمل العملي لان اذا رسبت بالعملي رح تنحرم من تقديم النظري بالاضافة الى انو اذا ما كنت جايب علامة عملي مرتبة و جايب بالنظري فوق ال65 ف علامة هالعملي هي كفيلة بأنو تحملك المادة
لهيك مالازم نهمل العملي بنوووب لان كتير بفيدنا وبنفس الوقت مانخليه على حساب النظري لان هو أساس فرزنا
🔴التحضيرية هالسنة صارت سنة مفتوحة بس على دورنا كانت سنة مغلقة يعني كل الطلاب اللي دخلت عالتحضيرية رح تنفرز لاحدى كليات المجمع الطبي
هلأ على دوركن صارت سنة مفتوحة : 
90% منكن رح ينفرزوا
و 10% رح يغيروا قيدن لغير فروع المجمع الطبي.

نحنا عنا 10 مقررات  : 5 فصل اول و 5 فصل تاني
لازم ترفع 6 مقررات منن حتى #تترفع عالسنة التانية.
مني و من أدمنز قناة طلاب السنة التحضيرية للكليات الطبية |جامعة البعث منتمنالكن التوفيق و النجاح الدائم و اي شي بتعتازوه انا و الادمنز جاهزين لنجاوبكن عاللي بدكن ياه.
#رشيد أوزون