جرعة أمل للتحضيرييين وشرح بسيط عن الكتب
تحضريتنا الحلوين
بما انو قربت بداية السنة
و شكلو الكل تقريبا جاب الكتب ✋️😌
حبينا نقدملكن شوية شرح عن المواد مشان متضيعو
اول شي هالفصل عندكن خمس مواد يللي هني :
تاريخ الطب - انكليزي 1 - كيمياء - فيزياء طبية - بيولوجيا الخلية
#تاريخ_الطب : مادة معدل
ما حدا يخاف من هالمادة
دراستا ما فيا معاناة ابدا
بتدرسو شوية منا خلال السنة و بتكملو بأسبوعا و بتترفع بالتسعين
حبيت بلش بجرعة تفاؤل 😌✋️
#انكليزي_1 : مادة معدل اكتر من تاريخ الطب 😂
هي المادة بتعتمد ع معلوماتكن السابقة
قواعدا الموجودة بالكتاب بسيطة
بس تكون قوي شوي بالترجمة بيمشي حالك
و هي مادة فوق التسعين اكيد و دراستا بأسبوع الفحص بتكفي و بتعيدا كمان
#كيمياء : هي المادة يللي حيرت العالم
شوية بيقولو سهلة شوية بيقولو صعبة
هي مادة فهمية 70%
و مانا صعبة بالدراسة
ركزو فيها شوية و شغلة الفهم بتحسوها سلسة
السنتين يللي قبلكن ما كانت مادة معدل بسبب صعوبة الاسئلة 😂😂😂😂
متخافو منها
اقروها و الأسئلة مبتصعب عليكن انشالله
#فيزياء : هون بلشت الصعوبة
هي المادة بدا حفظ و فهم و متابعة
اذا تراكمت عليك بتصعب مهمتك
لهيك ما حدا يهملا
يفضل تحضروها و تركزو بالمحاضرة
من بدايتا ركزو فيا
و في عالم جابو فيا علامات عالية بسبب المتابعة
في شي صعب بس مفي شي مستحيل
#بيولوجيا_الخلية : هون العز 😂😂😂😂
هي المادة اصعب مادة بالفصل الاول
بدا حفظ ومتابعة و فهم ( لازم تشوف مقاطع فيديو عالنت عنا و تبحث بالشغلات حتى تفهم )
مانا سهلة
بدا تعب منيح
بس متل ما قلنا
مفي شي مستحيل
و بدفعتنا و بالدفعة يللي قبلنا في كتير عالم جابوها فوق التسعين
ماني عم قول انو تراخو و بتجيبو
كلو بالتعب
و بالنهاية لا معهد ولا شي بيفيدك
يللي بيفيدك عزيمتك و اصرارك
كلكن قادرين
مهمتكن مو صعبة
و انشالله موفقين ❤️❤️
#الهيئة_الإدارية_في_كلية_الطب_البشري
0 تعليقات على موضوع : جرعة أمل للتحضيرييين وشرح بسيط عن الكتب
الأبتساماتأخفاء الأبتسامات